வைரமுத்து.வலை

கவிப்பேரரசை வாசிக்கவும் நேசிக்கவும்...

  • Increase font size
  • Default font size
  • Decrease font size
வணக்கம் அன்பர்களே!

உலகெங்கிலும் உள்ள கவிப்பேரரசு அவர்களின் வாசகர்கள் ஒன்று கூடி மகிழவும் ,கவிப்பேரரசு அவர்களின் படைப்புகள், படைப்புகளின் மீதான விமர்சனங்கள், விவாதங்கள், ஆராய்ச்சிகள் என விரியும் இலக்கிய தேடல்களுக்குமான வலைத்தளம் இது.

வெறும் பிரபலப்  பாடலாசிரியர் என்று  ஊடகங்களால் உருவாக்கப்பட்ட மாயத்திரை விலக்கி, அவரது பன்முகப் பரிமாணத்தை, இலக்கியத்தின் மகத்துவத்தை,மனிதநேய மாண்பை, உழைப்பால் உயர்ந்த தனிமனித  ஆளுமைத் திறனை உலகெங்கும் எடுத்துச் செல்வதன் மூலம் , வரும் தலைமுறைகளுக்கு இந்த  வழிகாட்டி ஆளுமையை அறிமுகம் செய்து வைப்பதை எமது கடமையாய்க் கருதுகிறோம்.

கவிப்பேரரசு அவர்களின் படைப்புகளை பாரறியச் செய்து, அவை உலகின் எந்த மொழிப் படைப்புகளோடும் போட்டியிட்டு வெல்லக் கூடியவை என்பதை பறைசாற்றுவதே எமது நோக்கம்.

கவிப்பேரரசு படைப்புகள் மீதான விமர்சனங்கள், விவாதங்கள் , தனிநபர்  திறனாய்வுகள் , பல்கலைக்கழக ஆய்வுகள், மொழிபெயர்ப்புகள் போன்றவற்றை ஒருங்கிணைப்பதன் மூலம், அம்முயற்சிகள்  ஒரே இடத்தில் தேங்க விடாமல் அடுத்த கட்ட நகர்வுக்கு எடுத்துச் செல்ல இவ்வலைத் தளம் உறுதுணையாய் இருக்கும்.

தமிழின் தவப்புதல்வரின், இந்நூற்றாண்டின் இணையற்ற மனிதரின் புகைப்படங்கள்,ஒலி/ஒளிக் கோப்புகள் மற்றும் ஊடகச் செய்திகள் போன்றவற்றை இணையத்தில் பாதுகாக்கும் இணைய ஆவணக் காப்பகமாகவும் இந்த வலைத் தளம் செயல்படும்.

தமிழிணையத்தின் புதிய தொழில் நுட்பங்களை பயன்படுத்துவான் மூலம் இணையத் தமிழ் வளர்ச்சிக்கும் இவ்வலைத்தளம் முக்கியப் பங்காற்றும்.

இவ்வலைத் தளத்தின் வளர்ச்சியில் பங்குபெற, கவிப்பேரரசின் இலக்கியக் கடலில் மூழ்கி முத்தெடுக்க அனைவரையும் அன்புடன் வரவேற்கின்றோம்.



 


செய்திக் கீற்று

 

ஈழத்தமிழருக்காக என் ரத்தம் எல்லாம் கண்களுக்கு ஏறுகிறது வைரமுத்து ஆவேசம் !

 

கவிஞர் பா.விஜய் நாயகனாக நடிக்கும் ‘ஞாபகங்கள்’ படத்தின் பாடல் வெளியீட்டு விழா சென்னை ஏவி.எம். ஸ்டூடியோவில் நடந்தது. இவ்விழாவில் பாடல் கேசட்டை வாலி வெளியிட வைரமுத்து பெற்றுக்கொண்டார்.

வைரமுத்து பேசும்போது,

"இந்த மேடையில் ஈழப்பிரச்சனையை பேசக்கூடாது என்று மனசு சொல்கிறது.  ஆனால் என் ரத்தம் எல்லாம் கண்களுக்கு ஏறுகிறது. உலக நாடுகள் எல்லாம் எதிர்ப்பு தெரிவிக்கிறது.  ஆனால் ராஜபக்சே கொஞ்சமும் இசையவில்லை. ஐநா சொல்லியும் கூட, அமெரிக்கா சொல்லியும் கூட இசையவில்லை. உலக நாடுகளுக்கெல்லாம் தலைவன் என்று அமெரிக்கா மார் தட்டுகிறது.  அது சொல்லியே ராஜபக்சே கேட்கவில்லை. இனி தலைவன் என்று தம்பட்டம் அடிக்கக்கூடாது".