வைரமுத்து.வலை

கவிப்பேரரசை வாசிக்கவும் நேசிக்கவும்...

  • Increase font size
  • Default font size
  • Decrease font size
விருதுகள்


  • கலைமாமணி விருது (1990)

  • கள்ளிக்காட்டு இதிகாசத்திற்கு சாகித்ய அகாடமி பரிசு கிடைத்தது (2003)

  • பத்மஸ்ரீ (2003)

 

  • சிறந்த பாடலாசிரியருக்கன தேசிய விருது (ஐந்து முறை). விருது பெற்ற திரைப்படங்கள் (பாடல்கள்)
  • 1986 - முதல் மரியாதை
    பாடல்:பூங்காற்று திரும்புமா
    இயக்குனர் : பாரதிராஜா


  • 1993 - ரோஜா
    பாடல்:சின்னச்சின்ன ஆசை
    இயக்குனர் : மணிரத்னம்


  • 1995 - கருத்தம்மா
    பாடல்:போறாளே பொன்னுத்தாயி...
    இயக்குனர் : பாரதிராஜா


  • 2000 - சங்கமம்
    பாடல்:முதன் முறை கிள்ளிப் பார்த்தேன்
    இயக்குனர் : சுரேஷ் கிருஷ்ணா


  • 2003 - கன்னத்தில் முத்தமிட்டால்
    பாடல்:விடை கொடு எங்கள் நாடே..
    இயக்குனர் : மணிரத்னம்

 


செய்திக் கீற்று

 

கவிஞர்களுக்கு கவிஞர் வைரமுத்து வேண்டுகோள்

 

பொய்களை கவிதைகளாக எழுத வேண்டாம் என்று கவிஞர் வைரமுத்து கேட்டுக் கொண்டிருக்கிறார்.

பெங்களூர் பிரசிடென்சி கல்லூரி கன்னடப் பேராசிரியை மலர்விழி, வைரமுத்துவின் 33 கவிதைகள் மற்றும் கதைகளை கன்னடத்தில் மொழிபெயர்த்துள்ளார். கிறிஸ்தவப் பல்கலைக்கழகத்தின் கன்னட சங்கம் சார்பில் வெள்ளிக்கிழமை நடைபெற்ற அந்த புத்தகங்களின் வெளியீட்டு விழாவில் கன்னடத்தில் பேசி அனைவரையும் வரவேற்றார் கவிஞர் வைரமுத்து.

பிறகு அவர் தமிழில் பேசியதாவது:

இன்று கன்னடத்து தோழர்களுக்கும் தமிழ் தோழர்களுக்கும் மகுடம் சூட்டும் நாள். இவ்விழாவின் கதாநாயகி மலர்விழி, கன்னடத்தில் மொழிபெயர்த்த எனது கவிதைகள் நம்மை இங்கு சேர்த்துள்ளன. தமிழின் சங்க இலக்கியங்களை மொழிபெயர்க்க மலர்விழி விருப்பம் தெரிவித்துள்ளார். அதை மொழிபெயர்க்க ஆகும் செலவை வைரமுத்து அறக்கட்டளை ஏற்கும். நமக்குள் பேதமில்லை. திராவிடக் குழந்தைகள். ஒரே வேரிலிருந்து வந்தவர்கள். ஒவ்வொரு மொழிக்கும் தனித்தன்மை உள்ளது. எனது இதயப் பையை நிரப்புவதற்காக கவிதைகளையும், எனது பணப் பையை நிரப்புவதற்காக அதாவது வயிற்றுப் பிழைப்பிற்காக திரைப்படப் பாடல்களையும் எழுதுகிறேன்” என்றார்.

பெங்களூர் தமிழ்ச்சங்கத்திற்கு வருகை தந்த வைரமுத்து, அங்கு நடந்த நிகழ்ச்சியில் பேசுகையில்,

"நான் வருவதற்கு தேதி கேட்டு வாங்கிய முக்கிய இடம் பெங்களூர்த் தமிழ்ச்சங்கம். கவிஞர்களுக்கு நான் சொல்வது, பொய்யை எழுத வேண்டாம். உங்களது கவிதைகள் இதயத்தில் இருந்துவரும் உணர்ச்சியாக இருக்க வேண்டும். அதுவே நிலைத்து நிற்கும். தீபாவளி, பொங்கல், பிறந்தநாள் வாழ்த்து கவிதைகளை எழுத வேண்டாம்.." என்றார்..